中醫點睇膝痛
常見有三類:
風寒濕型
天氣轉凍或者潮濕時痛,膝頭又重又凍,得暖舒服啲。
氣滯血瘀型
扭親或者撞親之後,痛點固定,郁動時明顯。
肝腎虧虛型
年紀大、關節退化,膝頭痠軟無力,行耐咗或者上落樓梯加重。
診所點幫你
醫師會先檢查膝頭邊度痛、有冇腫、郁得幾多,再按類型配合:
- 針灸、董氏奇穴:董氏奇穴遠端取穴,落針後慢慢屈伸膝頭
- 無煙溫灸:寒濕型常用,溫暖膝部
- 拔罐、推拿:放鬆大腿同小腿繃緊嘅肌肉
- 中藥:退化或者反覆發作,配合內服調理
療程次數因人而異;關節退化嘅情況以舒緩痛楚、改善活動為主。
日常自己可以做
- 控制體重,減輕膝頭負擔
- 多做大腿肌肉運動:坐喺櫈度慢慢伸直膝頭,停 5 秒再放低
- 少做深蹲、跪低,少行大量樓梯
- 寒濕型注意膝頭保暖
以下情況請先去醫院
- 膝頭突然又紅又腫又熱,或者伴發燒
- 扭親之後即刻腫,企唔穩或者郁唔到
- 膝頭「卡住」伸唔直
- 一隻小腿突然腫痛(要排除靜脈血栓)
懷恩堂中醫診所