中醫點睇腰痛
中醫會先分清係邊一類,再決定用針、用罐定用藥。常見有三類:
寒濕型
腰部又重又凍又僵,落雨天或者吹冷氣後加重,熱敷會舒服啲。
氣滯血瘀型
痛點固定、按落好痛,多數有扭傷或者長期姿勢唔好嘅經歷。
腎虛型
隱隱痠痛、反覆發作,攰嘅時候明顯,休息後減輕。
診所點幫你
醫師會先問診、把脈、檢查痛點同活動範圍,再按類型配合:
- 針灸、董氏奇穴:董氏奇穴多數喺手腳遠端取穴,落針後即刻慢慢郁腰
- 浮針:間中配合,喺皮下平刺,適合某啲肌肉繃緊引起嘅痛
- 拔罐、刮痧:肌肉繃緊、寒濕型常用
- 推拿:改善腰部活動
- 中藥:反覆發作或者腎虛型,配合內服調理
療程次數因人而異,醫師會喺第一次診症後同你傾清楚。
日常自己可以做
- 坐 45–60 分鐘就起身行下
- 寒濕型可以熱敷腰部
- 搬重嘢屈膝蹲低,唔好直接彎腰
- 床褥唔好太軟
以下情況請先去醫院
- 大小便失禁或者忍唔住
- 屁股、大腿內側麻痺
- 兩隻腳無力或者越嚟越麻
- 腰痛伴發燒,或者無故體重下降
- 跌親、撞親之後劇痛
懷恩堂中醫診所